Silchar-ah khum 1,000 awmna Covid Care Centre din turin ti

Assam-a Cachar district-ah hri kai an pun zel avangin health and family welfare minister Pijush Hazarika chuan district thuneitute hnen­ah Silchar-ah hri kaite enkawlna tur, khum 1,000 awmna Covid Care Centre siam turin a ti. 

Thawhṭanni khan DC conference hall-ah hri leng mek chungchanga district chhung dinhmun­te an sawiho a, minister Hazarika chuan district thuneitute hnenah hri leng darh zel tur venna kawngah kaihhruaina siamte khauh taka kalpui turin a chah. Khawlaia mask vuah leh social distancing dan hman tur tihte chu khawng taka kengkawh tur leh, dan bawhchhiate sum chawi tir pawh Rs 1,000 ah tisang turin a ti a ni. 

Minister chuan Silchar Medical College and Hos­pital-a khum awm zat pawh 200-a tipung tur leh, Palanghat-a Model Hospital-ah pawh khum dah belh dan ngaihtuah turin a ti bawk. Cachar dis­trict-ah hian Covid Health Centre pasarih awmin, khum 650 a awm a ni.