Nagaland-ah animal rights activist hruai

Mumbai-a animal rights activist, Hema Chowdhary chu Naga mipuite chungchang mawi lo tak leh, midangten an huatna thlen thei zawnga thu a sawi avanga man a nih hnuah, Thawhṭanni khan Nagaland-ah hruai a ni. 

SP(Crime) leh PRO Manoj Kumar chuan Chowdhary hi July 4-a Youtube leh Facebook-a a video post chungchangah man a ni tih sawiin, he video-ah hian Naga mite chungchang mawi lo takin a sawi a, pawl hrang hrangte inkara inhuatna thlen thei zawngin a sawi bawk a ni, a ti. A thusawi avang hian July 15 khan Kohima chief judicial magistrate chuan non-bailable arrest warrant a tichhuak a, hemi hnu hian deputy SP rank officer kaihhruaiin Nagaland polcie team chu Mumbai-ah hian an kal nghal a ni. 

Mumbai police-te nena thawkdunin, July 17 khan Chowdhary hi a chenna inah man a ni a, Thawhṭanni  khan Nagaland-ah a chungthu ngaihtuah turin hruai thlen a ni.