Manipur sorkarin ILP pechhuak ṭan dawn

Manipur sorkar chuan Covid-19 leng vanga thla li chhung Inner Line Permit (ILP) pekchhuah a tihtawp tawh chu a pe chhuak leh ṭan tawh dawn tih Thawhṭanni khan a sawi. 

July 21 aṭangin a pek chhuahna office leh police station hrang hrang aṭangin ILP hi pek chhuah leh ṭan a ni dawn tih sorkar thuchhuah chuan a tarlang. Chief minister N Biren Singh chuan hripui leng vangin March 17 khan ILP chi hrang hrang pek ṭhin chu titawp lailawk turin thupek a lo tichhuak tawh a ni. Hemi hnu hian state pawn lam mi zingah a bika phalna pekte chauh luh phalsak an ni.