PM leh CM hnena vauna thawntu man

Assam police-te chuan Majuli district-a college zir­lai pakhat chu Prime Mi­nis­ter Narendra Modi leh Assam Chief Minister Sar­­bananda Sonowal-te vauna thu a thawn avangin an man.

Police-te chuan co­llege naupang, Manu­ranjan Boruah (19) hian PM Modi leh CM Sonowal-te hi Facebook kaltlangin thu dengkhawng tak a thawn tih an sawi a, a thu thawn erawh an tarlang lo. Boruah hian PM leh CM bakah hian Assam Health, Educa­tion leh Finance Minis­ter Himanta Biswa Sarma pawh thu deng khawng tak a thawn bawk tih police-te chuan an sawi bawk.

Majuli SP Vaibhav Nimbalkar chuan pawi­khawihtu hi Bongaon area-ah man a nih thu a sawi a, amah hi United Mahabir Force of Assam (UMFA) pawl member a nih thu an sawi. He zirlai hian tun hnai khan facebook kaltlangin hmeichhe pakhat chu vauna thu a lo thawn tawh tih a sawi bawk. Assam police-te chuan complaint an dawn hnuah, Special Branch of Guwahati and CID, Crime Branch puihnain dar kar 24 chhungin pawikhawihtu hi an man chhuak a ni.