Assam-ah ni thum chhung I-Day hmang dawn

Assam sorkar chuan India Inde­pendence Day vawi 71-na chu ni thum chhung hmang turin ruahmanna a siam.

Sorkar chuan Deputy Commi­ssioner leh Sub-Divisional Offi­cer-te chu anmahni Headquarters-ah ṭheuh hmang turin a hriattir a, thupek ang hian nimin aṭang khan I-Day pual hian hun hman a ni. I-Day pual hian school naupangte tan programme duan a ni a, extempore speech, drawing, music leh competition hrang hrang hmangin inelna buatsaih a ni a, heta tiṭha te chu Independence Day ni-ah lawman pek an ni ang. Vawiin hian hmun hrang hrangah ‘Run for National Integrity’ buatsaih a ni bawk ang.