AP-ah tuilianin ziaawm lam la pan lo

Arunachal Pradesh-a tuilian chuan ziaawm lam a la pan lo a, hmun hrang hrangah harsatna tawk chhungkaw eng emaw zat an la awm.

East Siang leh Namsai district-te chuan tuilian avang hian harsatna an la tawk nasa hle a, hetih lai hian Papum Pare, East Kameng leh West Siang district-ahte chuan tuilian hian ziaawm lam a pan tawh a ni. Anjaw district chu hmun hrang hranga leimin leh tuilianin kawngpui a chim avangin tlawhpawh theih lohin a awm mek a ni. Hawai, Hayuliang leh Chaglongam pawh ni li chhung vel chu tlawhpawh theih loin an awm tawh bawk. District hrang hranga Deputy Commissioner (DC)-te chuan tuilian tuarte chu theih ang tawka chhanchhuah hna thawh a nih thu an sawi a, state sorkar chuan kawng hrang hrangin hma a la mek bawk.

Public Work Deparment (PWD)-te chuan leiminin kawng a hnawh pin te thenfai hna an thawk mek a, ruah a sur belh zel loh chuan kawngpui ṭhenkhat chu lirthei chikim zawh theiha peih hman an beisei thu an sawi. Tuilian avang hian chhungkaw 100 vel chuan an chenna in an chhuahsan tawh a, leimin avangin in pakua ṭhiah a ni tawh bawk.