'Frontier Nagaland' state din turin nawr zel ; MLA 20-ten din tawh loh an tiam

Nagaland state khawchhak lama state hran, Frontier Nagaland state din phutna chu kalpui chhunzawm zel a ni.

Eastern Nagaland Peoples' Organisation (ENPO) hmalakna state hran siam phut hian na zawkin hma lak zel a ni a, khawchhak lam biala Nagaland MLA 20-te chuan an thil phut hi tihhlawhtlin a nih hma chuan inthlan buatsaihah din tawh loh an tiam a, nakkuma Assembly inthlan lo awm turah pawh din loh an remti.

Frontier Nagaland state siamna tura an phutah hian state khawchhak lama district paruk - Mon, Tuensang, Kiphire, Longleng, Noklak leh Shamator a huam a ni. Heng district parukah hian hnam chi sarih - Chang, Khiamniungan, Konyak, Phom, Sangtam, Tikhir leh Yimkhiung-te an cheng.

ENPO hian kum 2010 aṭang khan state hran siam phutin hma an lo la tawh a, sorkar laipuiah pawh memoranda-te an thehlut tawh a ni.

Member 60 awmna, Nagaland Legislative Assembly inthlan hi nakkum February-March hian neih a ni ang.