Zángnadawmna pe loin Chakma leh Deori-te chhuahtir dawn lo : Union Ministry

Union ministry of petroleum and natural gas chuan National Human Rights Commission (NHRC) hnenah, Arunachal Pradesh-a oil laihchhuah hna thawhna hmuna chengte chu zangnadawmna pe loin an chhuah tir dawn lo tih a sawi.

Oil and gas exploration and drilling project thawhna hmun, Arunachal Pradesh-a Changlang district-a Diyun circle hnuai, Mudukka Nallah leh Sompoi-II khuaa cheng, Chakma leh Deori hnam hnawhchhuah tum nia sawi chungchangah kumin January thla khan Chakma Development Foundation of India (CDFI) chuan NHRC-ah complaint an lo thehlut tawh a ni.

CDFI chuan state sorkar chuan Oil India Limited nen inthurualin, Land Acquisition, Rehabilitation and Resettlement (LARR) Act, 2013 hnuaiah project thawhna biala chengte chu zangnadawmna engmah pe loin chhuah tir a tum niin an sawi. NHRC chuan petroleum and natural gas ministry hnenah hriattirna a pek hnuin, union ministry chuan zangnadawmna pek an nih tur thu hi a sawi a ni.