Sikkim : Limboo-Tamang committee-in memorandum thehlut

Sikkim-a Limboo Tamang Voluntary Committee (LTVC) chuan member 32 awmna, Sikkim Legislative Assembly-a Limboo leh Tamang hnam tana seat reservation siam phutin, Lok Sabba PM hnenah memorandum an thehlut.

LTVC hian an thil phut hrang hrang 22 an tarlanna memorandum hi Gangtok-a Yakthung Heem-a meeting an neihah, MP Indra Hang Subba an hlan.

Limboo leh Tamang hnamte hian kum 2003 khan Sikkim Legislative Assembly-a an hnam tana chanpual siamsak turin an lo bei tawh a, an thil phut nawrna kawnga hma la turin consultation committee, SKM Consultation Committee on Limboo & Tamang Seat Reservation an din a, committee hotuah MP Subba dah a ni.

Chief minister Prem Singh Golay thurawn angin, consultation committee hian Lomboo leh Tamang hnam pawl hrang hrangte meeting an neihpui tawh a, a ngaihdante lakhawmin, hei hi Chief Minister hnenah an thehluh leh ang.