Meghalaya sorkarin thing 500 kit dawn

Meghalaya Deputy Chief Minister Roytre Christopher Laloo chuan khawpui chhunga thingkung ding lai 500-te chu chhiatna thlen hlauhawma an awm avangin kih an ni dawn tih a sawi.

Meghalaya khawpui Shillong-ah August 12 khan Raj Bhavan bula eucalyptus chu a tlu a, thing tlu hian mi pathum del hlumin, midang eng emaw zatin hlian an tuar a ni. He thil thlen hnu hian state sorkar chuan khawpuia thing dingte chu enfiahin, chhiatna thlen theia ngaih thing ding lai 500 chu kit turin thutlukna a siam ta a ni. 

Deputy Chief Minister Laloo chuan forest department hmalaknain thingte hi kih a ni dawn tih a sawi a, hei hi mihringte himna tura tih a nih thu a sawi. Hetihrrual hian thing eng emaw zat kih a nih dawn avangin thing ṭiak 6,000 vel phun belh anih tur thu a sawi a, Department hrang hrangte chu thing phunna tur hmun lo ruahman tura hriattir an nih thu a sawi bawk. Forest department chuan mipuite hnenah hriattirna pein mihring tana hlauhawm thei thing ding an hriatte chu report turin an ngen ve bawk.