President Ram Nath Kovind-a'n AP tlawh dawn

Arunachal Pradesh Chief Minister Pema Khandu chuan kar kalta Inrini khan New Delhi-ah India President Ram Nath Kovind chu a hmu a, an state tlawh tura a sawmna chu President hian tih hlawhtling ngei a tum thu a sawi.

President leh Aruna­chal CM-te hi Rashtrapati Bhavan-ah an inkawm a, Pema Khandu hi state BJP President Tapir Gao leh Deputy Chief Minister Chow­na Mein-te'n an ṭawiawm a ni. Chief Minis­ter chuan Kovind chu India President ṭha tak ni turin duhsakna a hlan. An inkhawmnaah hian politics lam an sawi chhuah bakah, Arunachal-in ruahsur nasa tak avanga tuilian leh leiminin harsat­na a thlente an sawiho a ni. President chuan chief minister sawmna ngaipawimawha Arunachal Pradesh tlawh ngei a tum thu a sawi a, AP tlawh a tum thu hi kumin Jyly thla pawh khan a lo sawi tawh a ni.

President Ram Nath Kovind chuan Prime Mi­nister Narendra Modi-a kaihhruai NDA sorkar policy pawimawh tak ‘Act East Policy’ chu a hlawhtlin ngei theih nan hmarchhaka state hrang hrangte chu thawhhona ṭha tak nei tura a duh thu a sawi bawk.