Doctor-te'n hmeichhe taksa aṭangin tumour 50 zai chhuak

Arunachal Pardesh-a hmeichhe pakhat taksa aṭangin doctor-te chuan tun hnai khan tumour 50 an zai chhuak nia tarlan a ni.

Doctor team hi se­nior gynaecologist Dr Posting Bayang chuan a ho a, hlawhtling takin hmeichhia hi an zai a ni. Itanagar-a Rama Krishna Mission Hospital-ah hmei­chhia hi zai a ni. Dr Posting Bayang chuan, "Hmeichhe taksaah hian tumour eng emaw zat a awm tih kan hria a, nimahsela hun eng emaw chen chu zai lohin a awm a, a tawpah chuan zai loh theih lohin a awm ta a ni. A taksa aṭang hian tumour 50 lai paih a ni a, darkar thum zet kan zai hnuah hlawhtling takin kan zo thei ta a ni" a ti.

Hmeichhia hian mi chi hrang hrang a lo rawn kual fo tawh a, August 15 khan zai a ni ta a ni. Dr Bayang leh a hote hian tun hmain mi eng emaw zat an lo zai tawh a, mihring taksa aṭanga tumour 20 chuang paih te pawh an lo neih tawh chungin tuna mi aia tam hi chu paih an la neih ngai loh thu an sawi.