Manipur : Dan loa din 'healing centre' aṭangin mi 26 chhanchhuak

Manipur khawpui, Imphal-a dan loa din, Bethel Healing Centre aṭangin health department leh Imphal East district police-te chuan an enkawl lai, mi 26 an chhanchhuak. Heng mite hi rilru lam harsatna nei leh ruihhlo tite an ni.

Official report-in a tarlan danin, Mayophung-a healing centre hian Manipur Nursing Homes and Clinics Registration Act, 1992 kaihhruaina a bawhchhia a ni. He centre-a awmte hi an chhungten an thlauhthlak hnuah tihluihna hmanga hren an ni tih police-te chuan an sawi bawk.

Police-te chuan centre hi Manipur Home and Clinic Registration Act hnuaiah trust aṭangin a inziak lut a, mahse he dan hian centre-a enkawl tur lakluh phalna engmah a pe lo tih an sawi.

Centre-a awm chhanchhuah mi 26 zinga mipa 10-te chu Halfway Home Tezpur-ah sawn an ni a, hmeichhia pariatte chu Wangjing-a Halfway Home-ah dah an ni. Mi pathum chu JNIMS-ah admit niin, mi dang pahnih chu de-addiction centre-ah dah an ni bawk. Mi pathum chu enfiah an nih hnuah in lamah haw phalsak an ni.