Tripura CM-in HM Amit Shah a hmu

Tripura chief minister Dr Manik Saha chuan Thawhlehni khan New Delhi-ah union home minister Amit Shah a hmu a, Tripura State Rifles-a IR Battalion thar pahnih din rawtna a thehlut.

Chief Minister hian an state-a Bru hnamte chhawmdawlna kalpui a nih dante pawh Home Minister hi a hrilh nghal bawk a ni.

Tripura State Rifle hian battalion 14 nei mekin, heng zinga 11 chu Indian Reserve Battalion anni. Tun hnaiah battalion thar pahnih din a ni a, a dang pahnih din leh an tum a ni. "TRS hi state chhung boruak ralmuang a awm theihna turin an pawimawh hle. Tripura State Rifle sipaite hnathawh dan hi state pawhin a chhuang hle. Hei vang hian sorkar laipui hnenah pawh battalion pahnih din belh a rawt a ni," tiin senior police officer pakhat chuan a sawi.

CM Saha hian an state-a Bur hnamte chhawmdawl hna kalpui leh hmasawn dante Union Minister hi a hrilh bawk. Bru chhungkaw awm zinga 50% chuang chu an awm nghehna tur pek an ni tawh a, a dangte pawh a tahtawla pek an ni zel dawn tih a sawi. Covid-19 hri leng vangin duh angin hna an thawk chak thei lo a, mahse boruak a ziaawm hnuah a rang thei anga zawhfel tumin department hrang hrangten theihptawp an chhuah mek a ni, a ti.

Dr Saha hian BJP national president JP Nadda leh prime minister Narendra Modi-te pawh a hmu bawk.