Assam sorkarin University pali din dawn

Assam Education Minister Himanta Biswa Sarma chuan state sorkarin University pali a dinbelh dawn tih Pathiani khan a sawi.

Education Minister Himanta Biswa Sarma chuan Bajali, Bihpuria, Hojai leh Majuli-ahte University hi dinbelh tum a nih thu sawiin, hmalakna pawh chak taka kalpui a ni, a ti. Bajali-ah hian Bhattadev University din tura ruahman a ni a, Bihpuria-ah Madhabdev University, Hojai-ah Rabindranath University leh Chief Minister Sarbananda Sonowal-a bial Majuli-ah Assam Cultural University-te din a ni ang.

Minister Sarma chuan Bajali, Bihpuria leh Hojai-a collge-te chu University-ah hian hlankai a ni dawn tih sawiin, Majuli-ah chuan University thar hlak din a ni dawn tih a sawi. Assam Cultural University chu khawvela river island lian ber Majuli-ah din a ni dawn a ni,a ti. Hetih rual hian Education Department hmalaknain college 89 (single-stream) chu double-stream-ah let tura hmalak mek a nih thu a sawi a, collge tinah Arts, Commerce leh Science stream zzinga pahnih tal a awm vek tawh dawn a ni. Hei hi kumin October 15 ral hmain a taka kalpui hman an inbeisei thu, Education Minister chuan a sawi bawk.