Assam-a tuilian tuarte tan John Abraham che chhuak dawn

Bollywood actor John Abraham chuan Assam-a tuilian tuarte chu a tawrhpui thu sawiin, harsatna tawkte chhawm­dawlna tur sum tuak turin hma a lak tur thu Pathianni khan a sawi.

John Abraham chuan Assam mipuiten hun rei tak chhung tuilian avang­a harsatna leh chhiatna hrang hrang an tawk chu pawi a tih thu sawiin, a theih anga ṭanpui ve a duh tih a sawi. Tui­lian tuarte ṭanpuina atan hian mipuiten ṭanpuina an pek theihna turin prog­ramme buatsaih a tum tih a sawi a, henga ṭanpuina sum lut te hi tuilian tuarte chhawmdawlna atan hlan a ni ang, a ti. Guwahati-a thuthar thehdarhtute hmah he thu hi sawiin, state sorkar nen thawk dunin hma lak a ni dawn a ni, a ti. NorthEast United Football Club (NEUFC) neitu ni bawk John Abraham chuan, “Tuilian avanga harsatna tawkte sum leh paia ṭanpui an nih theih nan hian Assam sorkar nen kan thawkdun dawn a, hemi chungchangah hi Chief Minister Sarbananda Sonowal leh Finance Minister Himanta Biswa Sarma-te nen pawh sawiho a ni tawh” a ti. Hetihrual hian ṭanpuina tuar sum thawk chhuak tur hian engtiangin nge hman an lak dawn tih erawh a tarlang lo thung.

Abraham chuan, mipuite tawrhna hi a namai lo hle a, anni ṭan­pui tur hian mitin pen chhuah a ngai a, NEUFC pawh anni ṭanpui tur hian a inhawng a ni, a ti bawk.