Tripura-in National Highway mamawh belh

Tripura public works department (PWD) minister Badal Choudhury chuan Union Minister of Road, Transport and Highways (MoRTH) Nitin Gadkari hnenah National Highway (NH) an mamawh belh thu a thlen.

Minsiter Badal Choudhury chuan Tripura huam chhungah NH paruk a awm mek tih sawiin, MoRTH minister chu NH pali siambelh a nih theih nana hmalakpui turin a ngen a ni. NH awmsa zinga pahnih chauh hi sorkar laipuiin a enkawl a, a dang zawng hi chu state sorkarin a enkawl a ni.

Chief Minister Manik Sarkar chuan NH siam belh a nih theih nan hian union minister of state for RTH Mansukh Manviya pawh a lo dawr tawh tih sawiin, an hmalakna hi a hlawhtlin ngei theih nan an beih zel tur thu public works department minister chuan a sawi.

MoRTH minister Nitin Gadkari chuan Tripura sorkar ngenna hi bawhzui a tiam a ni.