Manipur CM hlui Rishang Keishing a thi

Manipur Chief Minister hlui Rishang Keishing chu Thawhlehni khan Regional Institute of Medical Sciences (RIMS), Imphal-ah a boral.

Rishang Keishing hi kum 1920 khan a piang a, kum 1950 khan Khatingla Keishing nen inneiin fanu pahnih leh fapa pali an nei a ni. Hun eng emaw chen enkawl a nih hnuah Thawhlehni khan a boral a, a thih chhan erawh tarlan a ni lo. Keishing hi kum 1980-1988 leh 1994 -1997 chhng khan chief minister a ni a, Rajya Sabha MP-te pawh lo ni tawh a ni. April 9, 2014 khan MP term a hmang zo a, India rama MP ni thei upa ber a ni. 

Amah hi Congress hruaitu hlun tak a ni a, Congress President Sonia Gandhi chuan Rishang Keishing-a thi chu pawi a tih thu leh, a kal san tak a chungkahte leh party-a thawhpuite chu a tawrhpui thu a sawi. Congress president chuan a thihna hian a ṭhawng hle tih sawiin, Manipur mai ni lo India ramin mi ropui tak a chan tih a sawi. Keishing chu kum 70 a nih dawn thlenga MP hna chelh theih a nih thu sawiin, India ram politics-a a hnathawhte chuan hriatreng a hlawh tur thu a sawi.