Meghalaya-in CRPF tan ram pe

Meghalaya chief minister Conrad K Sangma chuan Ningani khan New Shillong Township-a Central Reserve Police Force (CRPF) permanent base siamna tura sorkarin ram, acre 10-a zau a pekna lehkha a hlan.

CRPF hian permanent base an neih loh avangin, Shillong khawpui chhung hmun hrang hrangah battalion leh company-te hi temporary camp-ah an awm mek a ni.

Chief Minister chuan, "New Shillong huam chhungah permanent camp siamna tur, ram acre 10-a zau chu CRPF kan pe a, he hmunah hian temporary camp hrang hrang awm darh ngai loin an awmkhawm thei dawn a ni," a ti. Ministry of Home Affairs aṭanga pawmpuina an hmuh veleh, CRFP camp hrang hrangte hi sawn luh an ni dawn tih a sawi.