Manipur: Imphal-Kohima kawng siamṭhat hna thawhna tur vailiam

Manipur chief minister N Biren Singh chuan Inrinni khan Kangkokp district-a Kalapahar-ah National Hgihway-02 a Imphal Kohima Package–IV(B) leh Imphal Kohima Package-V(A) Road siamṭhat hna thawhna tur programme a vailiam.

Chief Minister chuan an state tana kawngpui pawimawh, NH-2 a kawng siamṭhat hna thawh chu ni 15 chhunga zo hman turin a ti a ni.

Kangkokpi district MLA-te leh, civil society organisation hrang hrangte chu kawngpui siamṭhatna tura land compen­sation chungchanga buaina awmte chinfelna tura an thawhpui ṭhat avangin lawmthu a hrilh.

Sorkarin hmasawnna hna a thawhnaah state mipuiten an ṭawiawm ṭhat a ṭul thu sawiin, CM chuan kawngpui siamṭhat hna thawhin a nghawngte chu zangnadawmna pek vek an ni ang, a ti.

CM Singh hian Keithelmanbi-a Thadou Inpi-General Headquarters Complex-ah Thadou Heritage Museum a hawng bawk. State sorkar chuan an state-a hnam hrang hrangte culture humhalh leh vawnṭhatna turin tribal museum eng emaw zat a siam tawh tih a sawi.