Naga Mircha Festival hmasa ber huaihawt

Nagaland khawpui, Kohima aṭanga km 40 vela hla, Seiyhama khuaah Inrinni khan Naga Mircha festival hmasa ber buatsaih a ni.

Festival hi Seiyhama village Council leh Seiyhama Naga Mircha Growers-te huaihawt niin, Department of Horticulture-in a thawhpui bawk.

Naga Mircha, Bhut Jolokia tih bawk hi Scovile Heat Units (SHU) hmangin khawvela hmarcha thak bera ngaih a ni.

Seiyhama khaw mite hian Naga Mircha hmunte hi siamin, mi tam takin eizawnna atan an hmang. Nikum khan ruahtui tlak ṭhat loh vangin an thar ṭha lo a, Rs nuai 27 man vel chauh an thar niin Seiyhama village council Lhoulalie Zumu chuan a sawi. Kuminah erawh chuan Rs vbc 1 man an lei chhuah an ring a ni.