Smart City Mission-ah Itanagar tel

Union ministry of urban development-in ram chhunga khawpui hrang hranga Smart City Mission kalpui tura a thlan chhuah zingah Arunachal Pradesh khawpui Itanagar chu telh a ni.

Arunachal sorkar chuan hemi chungchangah hian thuchhuah siamin, state capital Itanagar chu chu special case-in Smart City Mission-ah hian telh a nih thu a tarlang. State town planning and urban development mi­nister Nabam Rebia chuan Smart City Mission (SCM) director chu New Delhi-ah a hmuh thu sawiin, mission-ah hian telh turin a ngen thu a sawi a, special case-in Ita­nagar chu telh a ni ve ta a ni, a ti. Smart City Mission team chuan Itanagar khawpui hi an zirchiang dawn a, report hi ministry-ah thehluh leh tur a ni, a ti.

Smart City Project atan hian khawpui hrang hrangte chuan proposal an siam a, hei hi endik a nih hnuah Smart City Mission kalpuina tur khawpui thlan chhuah ṭhin a ni. A thlanna hi ṭum hnih buatsaih a ni tawh a, khawpui 100 dawn thlan a ni tawh. Khawpui 20 vel thlan chhuah leh a la ni dawn a, hemi atan hian state hrang hrangte chuan proprosal an siam leh ang a, heta ṭang hian thlan chhuah leh a ni ang. Hmarchhak khawpui eng emaw zat chu Smart City Mission-ah hian thlan an ni tawh.