Assam-a Reserve Forest-ah in 300 chuang tichhia

Assam-a Amchang Wildlife Sanctuary-ah kar kalta Zirtawpni khan Sanctuary chhunga dan loa insak dapchhuah beihpui thlak a ni a, in 300 chuang tihchhiat a ni.

Gauhati High Court chuan Amchang Wildlife Sanctuary-a eviction drive nei tur hian thupek a tichuak a, hemi bawhzui hian magistrate, forest deparment, APDCL, Health Deparment, SDRF, fire & emergency services bakah police official-te chuan beihpui hi an thlak ta a ni. Deputy Commissioner Dr. M. Angamuthu, Deputy Commissioner chuan helai hmuna dan loa khawsa te hi chhuak turin vawi tam hriattir an lo ni tawh tih sawiin, court thupek angin heng mite chenna hi tihchhiat a ni ta a ni, a ti. Chenna-in tichhe tur hian police 500 an thawk chhuak a, sorkar mi pawimawh eng emaw zatin an telpui bawk.

Amchang Wildlife Sanctuary official-te chuan sanctuary chhunga dan loa chengte hian sa an pel fo tih sawiin, hemi titawp tur hian hma an lak zel tur thu an sawi.