Tibetan Rehabilitation Policy-in Nghawng ṭha lo a nei lo ang : NPP

National People’s Party (NPP), Arunachal Pra­desh unit chuan Tibe­tan Rehabilitation Policy, 2014 chuan a ṭha lo zawnga nghawng a neih an rin loh thu an sawi.

NPP chuan Arunachal mipuite chu Tibetan Re­habilitation Policy, 2014 hman chungchangah hlauthawng lo turin an ngen a, buaina tur a awm lo tih an sawi. State unit president Gicho Kabak chuan Tibetan refugee-te'n India khua leh tui nihna an chan ve theih nana Tibetan Rehabilitation Policy duan a ni chu lawmawm a tih thu a sawi a, Tibet Support Group-te hmalakna pawh an thlawp thu a sawi. Tibetan Rehabilitation Policy hman a nih theih nana hma latu Prime Minister Narendra Modi leh Union Minister of State for Home Kiren Rijiju-te chu a fak bawk.

NPP party chuan state cabinet-in Tibetan Reha­bilitation Policy hman a remti chu lawm­awm an tih thu a sawi bawk. Party thupuangtu chuan sor­kar laipuiin Tibetan Reha­bilitation Policy hman a nih theih nana state sorkarah hriattirna a pek thu a sawi.

Arunachal Chief Minister Pema Khandu-a kaihhruai sorkar chuan an state chhunga Tibetan refugee-te, khua leh tui nihna pek an nih theih nan sorkar laipuiin Tibetan Rehabilitation Policy hi hman a lo remti tawh a ni.