Meghalaya-ah AR-in Covid-19 testing unit siam dawn

Meghalaya deputy chief minister Prestone Tynsong chuan an state-a Assam Rifles te chuan Shillong-a an campus chhungah Covid-19 testing unit siam an remti tih a sawi. 

Sipai zingah hri kai hmuh an pun belh zel chungchangah Thawhlehni khan chief secretary leh armed forces hotute chuan meeting an nei a, sipaite puala testing unit siam a ṭul thute an sawiho a ni. Tynsong chuan state sorkarin sipaite himna tura hmalak a pawimawh thu leh, hemi atana hmalakna tur thurawn a pekte chu spaite hotute chuan an ngai pawimawh hle tih a sawi bawk. 

Tynsong chuan, "Assam Rilfes chuan an campus-ah an sipaite tana testing unit siam a remti a, forces dangte pawhin hetianga ti tur hian thurawn pek an ni bawk. Testing unit hran an neih chuan sample lakkhawm pawh a awlsam phah dawn a ni, " a ti. Meghalaya-ah hian hri kai mek hi 416 an la awm a, an zingah hian BSF leh sipai dang 292 an tel. Umpling-a BSF campus chu containment zone-ah puan a ni tawh bawk a ni.