AP-a military station Gen Bipin Rawat hming chawi tir

Arunachal Pradesh-a Kibithu khuaa military station leh a panna kawng chu India chief of defence staff hmasa ber, nikuma December thlaa helicopter chesuala thi, Gen Bipin Rawat hming chawi tir a ni.

China ramri aṭanga km 15 vel chauha hla, Anjaw district-a military station hi Gen Bipin Rawat Military Garrison tih niin, a panna kawng km 22-a thui chu Gen Bipin Rawat marg tih a ni bawk.

Gen Rawat hian kum 1999-2000 khan Kibihthu-a 5/11Gorkha Rifles battalion hi a lo ho tawh a ni.

Arunachal Pradesh governor Brig (retired) BD Mishra chuan kar liam ta Inrinni khan garrison-a gate siam chu hawngin, chief minister Pema Khandu chuan kawng hi a hawng bawk. Gen Rawat lim siam pawh an hawng nghal bawk a ni.