Assam sorkarin thubuai nuai 3 hnukkir dawn

Assam sorkar chuan judiciary hna hautak lutuk tihziaawmna turin, thubuai ziahluh zinga a tenau leh holam nuai thum vel a hnukkir dawn.

Tourism minister Jayanta Malla Baruah chuan Pathiannia cabinet meeting zawh hnua presss conference neiin, "Thubuai tenau tikhawtlai mek hi nuai 4.19 vel awmin, heng zinga nuai thum vel hi hnuhkir kan tum a ni. Hei hian thubuai ngaihtuah tur tam lutuk a tihziaawm dawn bakah, jail tawt lutuk pawh a ziaawm phah dawn a ni," a ti.

Cabinet meeting-ah hian Tata Technologies nena thawkdun a, polytechnic 34 leh government industrial training institute (ITI) 43-te Centre of Excellence-a siamna tur pawh pawm a ni. Cabinet chuan he project pumpui atan hian Rs vbc 2,390 sen a ni dawn tih sawiin, he project hian kumtin zirlai 15,000 - 20,000 te chu industry kaihhnawih technology thar zirna ṭha a siamsak thei dawn a ni, a ti.