Gauhati University-in exam fee 20% in tihniam

Gauhati University chuan Covid-19 hripui leng avangin kumina university examination fee chu 20% in a tihniam. Hriattirna a tihchhuahah, Gauhati University chuan UGC kaihhruaina siam angin September chawlhkar hnihna aṭangin exam hi buatsaih chhoh a ni dawn tih a sawi. 

Undergraduate leh postgraduate course-a final semester exam September thla hian buatsaih a ni dawn a, intermediate semester  erawh chu internal assessment leh semester hmasa exam aṭangin ngaihtuah a ni ang.