Manipur-ah Hunger Marchers’ Day hmang

Manipura zirlai pawl - All Manipur Students Union (AMSU)-te buatsaihin Pathianni khan Hunger Marchers’ Day hman a ni a a, he hunah hian Armed forces Special Powers Act (AFSPA) hlih phutna te, thil man sang zel khuahkhirh tura duhna te lantir a ni.

AMSU hian kumtin August 27-ah Hunger Marchers’ Day hi an hmang ṭhin a, kawngzawh an huaihawt ṭhin a ni. Pathianni-a kawngzawh buatsaihah hian zirlai tel an ṭhahnem hle a, security force-te'n zirlai pawisawi lo mi pali nunna an laksak duh lohna an lantir bawk. Manipur-ah hian kum 1965 khan zirlaite chuan lungawi lohna lantirin kawng an zawh a, hemi ṭum hian security force-te chuan zirlai pali - Nongmeikakpam Promodini, Oinam Nabakumar, Laishram Chaobal leh Waikhom Nilamani-te chu an that a ni.

Imphal khawpuia kawngzawhah hian zirlai bakah pawl hrang hrang aiawh eng emaw zat an tel a ni. DM College-ah vantlang inkhawm buatsaih a ni a, AFSPA hlih an duh thu te, remna leh muanna an duh thu te, ei leh bar man sang zel tur veng tura sorkar an phutna thu te an auchhuahpui a ni.