May 2021 aṭangin Assam-ah human trafficking case 174 awm

Assam chief minister Himanta Biswa Sarma chuan nikum May thlaa sorkar thar an siam aṭangin, Assam-ah mihring hmanga sumdawnna, human trafficking case 174 ziah luh a awm tih a sawi.

Assam Legislative Assembly session neih mekah, BJP MLA Diganta Kalitaa zawhna chhangn, CM chuan May, 2021 leh August, 2022 inkara human trafficking case ziahluh zat hi sawiin, hemi hun chhung vek hian hmeichhia leh naupang 318 chhanchhuah niin, trafficker 139 man an ni tih a sawi bawk.

State chhung economy-in hma a sawn chhoh zel hnuah, trafficking chungchanga report lut pawh a tlakhniam thu CM chuan a sawi. "NGO leh hmeichhe pawl hrang hrangte nen kan thawkho zel a, district 35-ah anti-human trafficking unit kan din vek a ni. Hei bakah hian Tata Institute of Social Sciences, Guwahati nena thawkdunin, hmeichhe chhanchhuahte chhawmdawl dan turah women self-help group-te training pek an ni bawk," a ti.

AIUDFD MLA Ashraful Hussain zawhna chhangin, Chief Minister chuan kum 2018 aṭanga August, 2022 inkrah naupang bo report 4,417 a awm thu sawiin, heng zinga 4,033 chu chhanchhuah niin, a dang 467 erawh chu an chin hriat loha an la awm thu a sawi bawk. Naupang, kum tling lote hna thawk tura chhawr luih a, school kal tir duh loh chu 'human trafficking' chi khat a ni tho tih CM chuan a sawi.