Arunachal : Dy CM-in NCERT textbook-ah state chanchin telh a ṭul thu a sawi

Aruanchal Pradesh deputy chief minister Chowna Mein chuan NCERT textbook-ah Arunachal Pradesh chanchin dah tel a ṭul thu sawiin, theihtawpin hma an la mek tih a sawi.

Chowna Mein chuan, "State sorkar chuan NCERT syllabus-ah Arunachal chanchin leh culture-a telh a nih theihna atan a bei mek a, ṭhangtharte leh India ram chhung hmun danga miten kan thlahtuten ram zalenna atana an beihna leh an inpekna te an lo hre ve thei dawn a ni," a ti. 'History' chu tihdanglam leh tihchhiat theih a ni lo tih a sawi bawk.

Thawhṭannia Mahabodhi Lord Buddha College-a Acharya Buddharakkhita piancham lawmna inkhawm buatsaiha thu a sawiah, Deputy CM chuan Arunachal Pradesh aṭanga India ram zalenna atana beitu, pasalṭhatte thiltihte a sawilang. State history ziahṭhatna atan hian state sorkar chuan Rajiv Gandhi University-a research scholar-te chu United Kingdom leh India ram chhunga museum, library leh archive aṭanga document pawimawhte lakhawm tura a tih thu a sawi.