CBI-in ABMSU hruaitu thih dan chhui dawn

Assam-a zirlai pawl pakhat All Bodoland Mino­rity Students’ Union (ABMSU) President Lafi­kul Islam that a nih dan chu Central Bureau of Investigation (CBI) chhui tir a nih tur thu sorkar laipui chuan a puang. Union Development of North Eastern Region Minister Jitendra Singh chuan Thawhṭanni khan Assam Chief Minister Sarbananda Sonowal chu biain, ABMSU hruaitu thihdan chu CBI kuta hlan a nih thu a hrilh a ni.

ABMSU President Lafi­kul Islam hi Kokrajhar district-a Titaguri market-ah August 1 khan thah a ni a, a thih danah hian rinhlelhna a awm avangin CBI chhui tir a ni dawn ta a ni. State sorkar chuan he thil thleng chhui tur hian Special Investigative Team a lo din tawh a, Inspector General of Police Anurag Tankha chuan a kaihruai a ni. Chief Minister Sarbananda Sonowal chuan he thil thleng hi CBI kuta hlan a nih theih nan hma an lak tur thu a lo sawi tawh a, Lafikul Islam-a chhungte hnenah cheng nuai nga pek an nih tur thu a puang sawi bawk.