Assam sorkarin Sikh-te Minority Status pek remti

Assam sorkar chuan an state chhunga Sikh sakhaw zuitute chu 'micro minority status' pek a remtih thu a puang.

Thawhlehni khan Delhi Sikh Gurudwara Management Committee (DSGMC) aiawhte chuan Chief Minister Sarbananda Sonowal chu Guwahati-ah an kawm a, an thil phut hrang hrangte an sawipui. Chief minister Sonowal chuan DSGMC-te thil phut zinga pakhat, Sikh-te hnena minority status pek chu sorkarin a remtih thu a sawi. DSGMC hotu Sirsa chuan state sorkar-in Assamese Sikh commu­nity chawikan a nih zel theih nana hmalak a remti chu lawmawm a tih thu sawiin, minority status hnuaiah chak zawka hma sawn turin beiseina an neih san thu a sawi.

CM Sonowal chuan Sikh-te hamṭhatna turin Anand Marriage Act hman mek chu siamṭhat remtih a nih thu sawiin, hnam hnuaihnung zawkte chawikan nana Com­mu­nity Centre and Education Complex sakna turin state sorkar chuan vaibelchhe nga a ruahman thu a sawi bawk.