Meghalaya-ah Kawngchhia vangin inthlan boycott tum

Meghalaya-a East Jaintia Hills District huam chhunga Huroi khua chuan nakkuma state assembly election lo awm turah, an khaw panna kawngpui siam ṭhat a nih loh chuan inthlan boycott an tum thu an sawi.

Huroi khaw hotute chuan kum 2018-a state Assembly election lo awm turah an khaw mipuite chuan kawngpui ṭha an neih loh chuan inthlan hi boycott an rem tih thu an sawi. An khua chu international Indo-Bangla border-a awm a ni chungin kawng hrang hranga hlamchhiah a nih thu an sawi a, kawngpui chhia chu an harsatna tawh lian tak a nih thu an sawi. Khaw mipuite chuan ngun taka an ngaihtuah hnuah an thil phut hi hlawhtling lo a nih chuan, ‘No Road, No Vote' an lo ruahman tawh chu kaltlangpui a nih tur thu an sawi.

East Jaintia Hills district deputy commi­ssioner hnenah memorun­dum an thehluh thu an sawi bawk. Huroi khuaah hian vote nei mi 800 vel an awm nia tarlan a ni.