Arunachal-ah ralthuam ṭhahnem tak man
Assam Rifles-te chuan Arunachal Pardesh-a Changlang district-ah tunhnai khan ralthuam ṭhahnem tak an man niin, Defence Ministry chuan a tarlang.
Defence thupuangtu chuan, Changlang district-ah hian Naga hel - National Socialist Council of Nagaland-Revolution (NSCN-R) lakah beihpui thlak a nih thu sawiin, beihpui thlaknaah hian ralthuam eng emaw zat man a ni, a ti. NSCN-R-te dapchhuah beihpui thlaknaa ralthuam man zingah hian AK-56 rifle, M-16 rifle, barrel grenade launcher-te pawh a tel tih sawiin, silaimu
ṭhahnem tak bakah, puak thei thil dang pawh man a nih thu a sawi. Hel dapchhuahnaah hian inkahna pawh a chhuak a, thi leh hliam erawh an awm lo nia tarlan a ni. Security force-te chuan inkahna hmunah hian thisen far eng emaw zat an hmuh thu an sawi a, helte hian an ralthuam te hi an tlan chhiatsan a ni.