Meghalaya : Tang tlanchhuak zinga 2 mipuiten police kutah hlan

Meghalaya-a West Jaintia Hills district-a district jail aṭanga tlanchhuak, mi paruk zinga pahnih chu mipuiten a hran ve vea manin, Thawhlehni khan police-te kutah an hlan leh nghal a ni.

Pathianni khan tang tlanchhuak zinga palite chu Shangpung khaw bul ramhnuaiah mipuiten an sawisa hlum a ni.

Tang tlanchhuak dang, Ramesh Dkhar chu Thawhṭanni zan khan Thadmuthlong-ah khaw mipuite an man a, Rikmenlang Lamre chu an khua, Borato-ah mipuiten Thawhlehni khan an man bawk. An pahnih hian police-te kutah an hlan leh nghal a ni. An pahnih hian an thubuai neihsa bakah jail aṭanga an tlanchhuah avangin thubuai dang siam belh sak an ni dawn tih district police hotu, Bikram D Marka chuan a sawi.