AP-ah child trafficking-a inhnamhnawih mi 1 man

Arunachal Pradesh khawpui, Itanagar police-te chuan Thawhlehni khan ChildLine Service puihnain child trafficking-a inhnamhnawih, hmeichhe pakhat an man a, nausen thla li mi an chhanchhuak bawk.

Police-te chuan an mi man hi Badal Natung, kum 47 mi, Seijosa khua a ni tih sawiin, naute nu hian naute a pai lai hian a pawisa a puk sak a, a ba a pek theih loh avangin a nau hrin hunah nausen chu pe turin a vau a ni. Nau a hrin hnuah, Natung hian a thurualpui pakhat, ruihhlo ti ṭhin Anu Wanga nen nausen hi an laksak a, a nu hian a hlauh avangin a lo hnial ngam lo niin an sawi.

He thil thleng chungchang hi Anu Wanga hian September 11 khan a sawichhuak a, ChildLine lam hriattir an nih hnuah anni hian Itangar police station-ah complaint an thehlut nghal a ni. Police special team siam nghalin, Thawhlehni khan nausen rutu hi manin, nausen pawh an chhanchhuak ta a ni. Anu Wanga pawh hi an man tel bawk.

Nausen hi Chile Welfare Committee (CWC) kalpuiin, an thurawn angin OJU welfare association kutah hlan rih a ni.