Assam independent MLA Akhil Gogoi hrem a ni

Assam Legislative Assembly session neih mekah, Nilaini khan speaker Biswajit Daimary chuan independent MLA Akhil Gogoi chu Question Hour neih laia rorel inkhawm a tihbuai avangin a suspend.

Speaker Daimary-a'n suspend a nih thu a sawi hnuah, Gogoi hi marshal pahnihin House aṭangin an hruaichhuak a ni.

Sivasagar MLA, Akhil Gogoi hian Question Hour-ah hian Education Department kaihhnawihah zawhna zawh belh a dil a, hei hi Speaker hian a phalsak lo a ni. Gogoi hian a aw chhuah ve a tum chu danbeh sak zel niin a puh a, hei hi Speaker chuan ngaithiam loin, Question Hour neih chhung atan a hrem ta a ni.

Speaker chuan, "House chhungah duh dan anga lungawi lohna lo lantir ngawt hi phal a ni a , dan zawm tur a awm vek a ni," a ti.