Meghalaya-a 5-star hotel hmasa ber tur Taj Vivanta Shillong

Meghalaya state-a 5-star hotel hmasa ber tur, Taj Vivanta Shillong chu September 26-ah hawn a ni dawn ta.

Kum 36 zet lo rauhsan tawh, Crowborough Hotel chu Taj Vivanta, Shillong tia a hming thlakin, 5-star hotel-ah siam a ni dawn a ni. Chief minister Conrad Sangma chuan Nilaini khan hotel hmunhma hi a endik.

Hotel hi Tata group-in a thlawp, Indian Hotels Company Ltd (IHCL) chuan Vivanta brand hnuaiah a enkawl dawn a ni. He hotel hi Shillong khawpui laili laiah, Police Bazar-ah awmin, room 100 a awm. Economy room pariat, standard room 58, deluxe room 30, suite panga, banquet hall pakhat leh coffee shop pakhat a awm bawk. Hotel-ah hian thawktu 150 vel chhawr an ni dawn a, heng zinga 80 chu tualchhung mite an ni ang.

Crowboroug Hotel sak hi kum 1986 khan thawh ṭan a ni a, mahse Meghalaya sorkar leh contractor-te inkara harsatna awm avangin court hialte thlen a ni a, hei bakah hian buaina dangte a awm bawk avangin project hi thawh chhunzawm hun rei tak a awm zui ta a ni.

Marriot Group-in Jail Road, Shillong-a 5-star Courtyard Marriott a sak pawh hawn theih thuai a ni ang.