Meghalaya-ah casino siam a ni leh dawn lo

Meghalaya chief minister Conrad K Sangma chuan an state-ah casino siam a ni dawn lo tih a sawi.

Casino pathum siamna turin tun hnaiah provisional license pek ni mah se, sorkarin bawhzui a tum tak loh avangin license pawh hi a thi mai dawn tih CM chuan a sawi.

Sangma chuan an state-a pawl hrang hrang, a bikin Khasi Jaintia Christian Leaders Forum (KJCLF) leh Ri-Bhoi district tradional head-ten casino siam tumna hi an duh loh avangin, mipuite duhdan chu sorkar chuan ngai pawimawhin, a pawmsak a ni, a ti. License an lo pek pawh thla riat hnuah a tawp dawn a, hma engmah an la thei dawn lo tih sawiin, mipuite remtih leh pawmpuina loin casino siamna tur hi sorkar chuan a kalpui dawn lo a ni, a ti.