Nagaland : BJP President-in biak-in a tlawh

BJP national president JP Nadda chuan kar liam ta khan ni hnih chamin Nagaland a tlawh.

JP Nadda hian Zirtawpni liam ta khan Kohima-a Mary Help of Christians Cathedral a tlawh, sakhaw hruaitute chu thing phun uar turin a chah nghal bawk.

BJP President hi state BJP president Temjen Imna Along leh MP Phangnon Konyak-ten an ṭawiawm. Nadda chuan visitors' registrar-ah Cathedral tlawhna hun remchang a nei chu lawmawm a tih thu leh, he hmuna Pathian biakna hun an neih dante chu ṭha a tih thu a sawi.

Parish priest, father Vemedo Joseph leh Kohima Diocese chancellor father Jacob Charallel-te chuan BJP hruaitute hnenah kum 1989-a biak-in sak a nih dan te, inkhawmna hun hrang hrang buatsaih a nih dante an lo hrilhfiah a ni.