Manipur : Rualbanlote thla tin allowance Rs 500 pe dawn

Manipur chief minister N Biren Singh chuan prime minister Narendra Modi kum 72 tlin lawmna pualin, thla thar aṭangin Persons with Disability (PWD), an rualban lohna 60%-80% nei chin chu thla tin allowance, Rs 500 pek an ni ṭhin dawn tih a sawi.

Kum 2017, December thlaa “Chief Minister Sotharabasingi Tengbang”scheme an lo hawn tawh, rualbanlohna 80% leh a chunglam neite chu thla tin Rs 1,500 pek an lo ni tawh bawk.

Chief Minister chuan Prime Minister-in mi rethei leh chan chhe zawkte ngaihsak leh puih a duh angin, thla thar aṭangin rualbanlohna 60-80% nei chin, medical verification leh Social Welfare lamin an pawmpui te chu allowance hi pek an ni dawn tih a sawi a ni.

Inrinni khan AIDP scheme hnuaiah rualbanlote tan hmanraw hrang hrang - tricycle, wheelchair, teaching & learning material-te sem an ni.