Assamese dictionary braille edition tlangzarh

Assam governor Jagdish Mukhi chuan kar liam ta khan mitdelte hman tur, Assamese dictionary 'Hemkosh' braille edition a tlangzarh.

Sadin-Pratidin group tihchhuah he dictionary hi mitdelte hnenah a thlawnin sem a ni dawn tih Raj Bhavan thuchhuah chuan a tarlang.

Governor chuan Hemkosh braille edition siam a ni chu lawmawm a tih thu sawiin, mitdelte pawhin he dictionary hi an hmang ṭangkai ve thei dawn ta a ni tiin, hemi kawnga hmalatu, Sadin-Pratidin group neitu Jayanta Barua chungah lawmthu a sawi.