Nagaland Assembly Speaker atan Longkumer thlang

Nagaland Assembly Speaker atan rorellai, Peo­ple's Democratic Alliance (PDA) candidate Sharingain Longkumer (37) chu nimin khan thlan tlin a ni. 

Assembly Speaker thlanna turah hian candidate pahnih, rorellai candidate Longkumer leh eptu pawl, Naga People Front (NPF) MLA leh speaker hlui Imti­wapang Aier te an awm. .

Nimina Speaker thlannaah hian House member 60 zinga 57 in vote an thlak a, Longkumer hian vote 32 hmuin, Airer hian vote 25 a hmu a ni. 

Speaker atana thlan tlin, Longkumer chuan House member-te chungah lawmthu sawiin, assembly member zinga a naupang ber ni chunga an ring ngam chu lawmawm a tih thu a sawi. Spaker hlui thi ta, Vikho-o Yohshu zahna hlan nghalin, Longkumer chuan Speaker nihna chu zahawm taka kenkawh a tum thu a sawi. 

House leader, chief minister Neiphiur Rio leh Opposition leader, TR Zeliang-te chuan Speaker thar chu lawmpuina an hlan nghal nghal bawk.