Assam : AGP-te'n National Calamity-ah tuilian puan phut
Assam-a Bharatiya Janata Party (BJP) thawhpui Asom Gana Parishnad (AGP) chuan Union Home Minister Rajnath Singh hnenah ngenna thlenin, an state-a tuilian chu national calamity-ah puang turin an phut. AGP chuan Home Minister hnenah hian tuilian avanga an state-in chhiatna hrang hrang an tawh te an thlen a ni.
AGP chuan kumin bikah tuilian tuar chu district 30-a mi nuai 30 vel an tlin thu an sawi a, thlai chinna hmun ram hectare 3,828 vel a chim tih an sawi. Tuilian chu national calamity-a puan a nih ngei theih nan Rajnath Singh chu hma la turin an duh thu an sawi. Hei bakah hian Bangladesh aṭanga dan loa Assam-a lut ṭhinte tihtawp a nih theih nan hma lakpui turin an ngen bawk.