Tripura-in university pathum nei thar dawn

Tripura education minister Ratan Lal Nath chuan university pathum an nei thar dawn tih sawiin, heng zingah hian south district-a Manu Bankul area-a Buddha University pawh a tel tih a sawi. 

Agartala-a chanchin thar lakhawmtute a kawmnaah, minister chuan state sorkar chuan Buddha University thuneitute hnenah 'Letter of Intent' (Lol) pawh a pe fel  tawh a ni, a ti. Abdul Kalam University dinna turin Lol hi pek a ni tawh bawk a, hei bakah hian Sanghai University  hnenah pawh Lol proposal hi sorkarin thawn a tum tih a sawi bawk.

Minister chuan state chhunga university-te kalphung enfiahna turin sorkar chuan chief secretary kaihhruaina hnuaiah Investment Facilitation Committee (IFC) a din a, committee member-ah hian finance department, industry and commerce department leh education department secretary-te dah an ni tih a sawi.