Bungraw phur rel tlan ṭan leh tawh

Northeast Frontier Railway (NFR) chuan hmarchhak hmun hrang hranga tuilianin rel kawng a tihchhiat avanga hun rei tak chhung service tihtawp lailawk a nih hnuah, August 29 aṭang khan bungraw phur rel te chu dan pangngaia tlan tir ṭan leh tawh an nih thu a tarlang.

NFR official-te chuan, tuilianin ziaawm lam pan chhoh zel avangin bungraw phur rel te chu tlan ṭan tir leh tawh an ni a, passenger phurte pawh tlan tir thuai turin hma lak a nih thu an tarlang. NFR-in a tarlan dan chuan passenger train-te hi naktuk aṭangin tlan ṭan tir an ni ang. Hmun hrang hranga rel kawng chhia te chu a siam ṭhat hna thawh mek a ni a, zawh fel thawhkhat a ni tawh. Hmarchhak aṭanga ram chhung hmun hrang hrang panna rel kawngte chu dan pangngaia hawn vek a nih thuai beisei a nih thu offial-te chuan an sawi.

Hetih lai hian Railway Protection Force-te chuan kumin January - July thla chhungin tuilian avanga harsatna tawk naupang 214 an chhanchhuak tawh tih an tarlang. RPF hian hmarchhak state hrang hranga tuilenna hmunahte ngawrh takin chhanchhuah hna an thawk a, nunna tam tak an chhan a ni.