Assam Secretariat-ah kangmei a chhuak

Assam Secretariat ‘Janata Bhawan’-ah Ningani khan kangmei a chhuak a, thi leh hliam erawh an awm lo. Guwa­hati-a thil thleng hi Chief Minister Sarbanan­da So­nowal hoa cabinet mee­ting neih lai a ni a, room pahnih aṭangin kangmei hi a chhuak a ni. Police-te chuan chhun dar 12.30 vela thil thleng a nih thu sawiin, room pahnih chhunga bungrua chu a kangchhe hneh hle tih an sawi. Sorkar document pawimawh eng emaw zat a kang chhia a ni. Fire service Deparment chuan kangmei chhuah chhan hi current kalsual a nih an rin thu an sawi a, an chhui zui nghal thu an sawi.