Assam-ah thla ruk chhung atan AFSPA pawtsei

Union Home Ministry chuan Armed Forces Special Powers Act (AFSPA) chu Assam-ah thla ruk chhung atan pawhsei a nih thu kar kalta Zirtawpni khan a tarlang.

Ministry official chuan Assam-ah hian kum 1990 aṭang khan AFSPA dan hi hman ṭan a nih thu a sawi a, boruak a ralmuan loh avang leh tharum thawhna a thlen fo avangin pawhsei zel a nih thu a sawi. Thla ruk chhung atana pawhsei hi September 1 aṭanga chhiar ṭan a ni ang. Union Home Ministry chuan Assam chu disturbed area-ah puan a nih thu sawiin, AFSPA hi hman a nih thu a tarlang. Assam-ah hian kumin kum tir lam khan AFSPA hman mek hi thla ruk atan pawhsei a lo ni tawh a, hel pawlte chetna a hluar em avangin pawhsei leh a ni. Dan sakei an tih mai, sipaite hnena an rinhlelh zawng man leh dap theihna te, thupek dawng kher loa silai hmehpuah theihna pekna dan hi hmarchhak state pariat leh Jammu and Kashmir-ahte hman mek a ni.