APPSC paper leak kaihhnawihah mi 5 man

Arunachal Pradesh police-te chuan Arunachal Pradesh Public Service Commission’s (APPSC)-a assistant engineer (civil) examination question paper leak kaihhnawihah mi panga an man.

Police-in an mante hi APPSC Deputy Secretary-cum-Deputy Controller of Examination Taket Jerang (53); AE exam candidate Thomas Gaduk (26); Jeju Institute-a an zirtirtu Akhilesh Yadav; Head Assistant leh Thomas Gaduk-a pa Tanyang Gaduk (57) leh GPS Tarak Pangin junior teacher Tama Saroh (53)-te an ni. An vai hian IPC Section 120-B/420/406/407/409 hnuaiah thubuai siamsak an ni.

Itanagar Capital Region SP Jimmy Chiram chuan Thawhlehnia press conference a neihah, AE civil prelims leh main examination question paper-te hi Jerang hian a lo hralh ru niin a sawi. August 29 khan paper leak a awm chungchangah complaint an dawng a, an chhuizui hnuah September 10 khan report hi an thehlut a, September 16 khan he thila inhnamhnawihte hi man an ni ta tih a sawi.